Жаңалықтарды Telegram арнамыздан оқыңыз!«Арқалық-Шұбаркөл» теміржолының бойында екі шағын елді мекен бар. Бірі – Қарағанды облысының аумағында орналасқан Терісаққан ауылы.
Ал екіншісі Қостанай аймағына қарайтын Жалғызтал. Бұрын мұнда 300 үй болыпты. Соңғы 2 жылда Жалғызталдан 22 адам тұрақты жұмыс тапқан.
Әйелдер негізінен құрылысшылар үшін бой көтерген вахталық қалашықта аспаздық және басқа да қызметтерге орналасса, жігіттер жаңа теміржолдың және оның бойындағы станцияның құрылысына қатысқан.
Көп ұзамай осы станцияға білікті мамандар қажет болатынын ескерген жастар қазірден теміржолшы мамандығын меңгеріп жатыр. Бүгінде ауылда 4 жеке кәсіпкер және 27 шаруа қожалығы бар. Ауыл әкімі болашақта олардың саны артатынына сенімді.
Берік КӨШЕРБАЕВ
