Жаңалықтарды Telegram арнамыздан оқыңыз!Жаңадан ашылған «Жезқазған-Бейнеу», «Арқалық-Шұбаркөл» бағытындағы теміржол ел экономикасының одан әрі қарыштап дамуына серпін бермек. Еліміздің батысы мен шығысын байланыстырған шойын жолдың 494 шақырымы Ақтөбе облысындағы Шалқар ауданы арқылы өтеді. Бұл жол алысты жақындатады, уақыт үнемделеді. 21 миллион тоннадан астам тауар өткізуге мүмкіндік беріп отыр. Ақтөбе учаскесіндегі құрылысқа 260 миллиард теңге жұмсалды. Нәтижесінде 160 адам жұмыспен қамтылды. Жол бойында жаңадан ауылдар бой көтерді. 3 станция мен 6 разъезд салынды. Жаңа теміржол отандық өнімнің халықаралық нарыққа шығуын қамтамасыз етеді.
