Оралда жылыту маусымы басталды

Күннің суытуына байланысты Орал қаласында жылыту маусымы мерзімінен бұрын басталды. Шаһар басшылығы, «жаз бойы қыстан қысылмай шығудың барлық амалдары жасалды», - дегенді айтады.

11 шақырым жылыту жүйесі күрделі жөндеуден өткізілді. Қаржы толық игеріліп, қазан айына дейін жаңарту жұмыстары толықтай аяқталған. Алғашқы болып 57 әлеуметтік нысан жылумен қамтылды. Білім беру және денсаулық сақтау нысандарын қосып болғаннан кейін кезек тұрғын үйлерге келеді.

Рауан ДИӘЛИ