Жаңа зауыт өнімдеріне сұраныс көп

Шығыс Қазақстанда бір жыл бұрын ашылған цемент зауыты, күн санап қарқын алып келеді. Осы уақыт аралығында зауыт 1 миллион тоннадан астам өнім шығарған.

Үдемелі индустриалды-инновациялық даму бағдарламасы аясында қолға алынған жоба бүгінде өзінің жемісін бере бастады. Қазір өндіріс өніміне көршілес елдерден сұраныс артты, дейді мамандар.

Қазақстан нарығынан бөлек, зауыт басшылығы экспортты арттыруға баса мән беріп отыр. Сұраныс артқандықтан алда өндірістің жұмысын еселей түсу маңызды, дейді. Оған қоса бірер жылдан соң жел генераторларын орнату арқылы, энергия тәуелділігінен толықтай арылу көзделген.

Ержан ЖАҚЫП