Жаңалықтарды Telegram арнамыздан оқыңыз!Алматы облысы атынан «Мерейлі отбасы» ұлттық байқауына қатысып, жеңімпаз атанған Есқожиндар отбасы ауылдарына оралды.
Отағасы Әнуарбек пен отанасы Тұяқ Қазтайқызын балалары салтанатпен қарсы алды. Елбасы қолынан сыйлыққа алған көлік елдегі ең үлкен шаңырақ - «Нұр» балалар үйі қоныстанған Талғарға жеткізілді.
Айта кету керек, өнегелі ісімен көпке үлгі болған Есқожиндар отбасы 1998 жылдан бері жетім және ата-ана қамқорлығынсыз қалған 340 баланы бағып-қағып, 18 ұлын ұяға, 25 қызын қияға қондырды.
Жазира ИСАЕВА
