70 жыл бір шаңырақ астында

Елімізде ең ұзақ өмір сүрген отбасы Алматыда тұрады. Ол - Сұлтан Жиенбаев пен Нұрания Әділшиналардың шаңырағы. Келер жылы отасқандарына 70 жыл толады. Былтыр «Ең ұзақ отбасылық өмір сүрген» жанұя ретінде Қазақстан рекордтар кітабына енген. 

Шаңырақ иесі -  Сұлтан Сүлейменұлы 93 жаста. Ал отанасы - Нұрания Адельшина 92-де. Қарттықтың қатарына енгенімен, екеуі де тың. Өмір өткелдерін еске алып, ара-тұра сарғайған суреттерді ақтарады. Кітап-газет қарап, қоғам тынысын қалт жібермейді. Елдегі игі істерге қуанып, жас буынның оң бастамаларына еміреніп отырады. 

Отбасылық бақыты көптеген жанұяға үлгі. Сондықтан, мамырда өткен қалалық «Мерейлі отбасы» байқауында көпшілік қолдап, жеңімпаз атанды.

Жазира ИСАЕВА