Көші-қон саласында шешілмеген түйіткілдер көп

Қазақстанға шетелден 2011 жылы 47112 адам көшіп келсе, 2013 жылы бұл көрсеткіш 21949 көрсетіп, 25163 адамға азайған.

Тарихи Отанына оралған қандастарымыз тұрақты тіркеуге тұру кезінде көптеген кедергілерге кезігетіндерін айтады. Мәселен, 1 адам кем дегенде 15 құжат өткізуі тиіс. Бұл Заң талабы дейді мамандар.

Кез-келген шетелден келген азамат бұл құжаттарды толықтай өткізуі тиіс, сондай-ақ, оның есеп шотында 8,5 миллион теңге болуы керек екен. Сонда ғана ықтияр хат беріледі.

Мамандар бұл мәселе жуық арада шешіледі деп сендірді. Бұдан былай елге оралған ағайындардан тек қана өмірбаян, өтініш, төлқұжат көшірмесі сияқты үш қағаз ғана сұралады.

Индира БЕГАЙДАР