Бірлігі жарасқан, тірлігі қыр асқан әулет

Батыс Қазақстан облысының Бударин ауылында тұратын Сәндібековтер қазақы дәстүрді берік ұстанған өнегелі отбасы. Шаңырақтағы бес баланың барлығы жан-жақты.

Кез келгені ән шырқайды, би билейді, тіптен түрлі музыкалық аспапта ойнай береді. Әулеттің ауызбірліктің арқасында ісі берекелі, әр күні мерекелі.

Сәндібековтер өңір халқына өнерлі әулет ретінде жақсы таныс. Ұл-қызының бойындағы қабілетті көре білген шаңырақ иелері Нұрболат пен Гүлнәр, 5 жыл бұрын отбасылық ансамбль құрды. Содан бері облыс көлеміндегі талай байқауда топ жарып келеді. 

Рауан ДИӘЛИ