Астанада «Қазақстан» Ұлттық арнасы «Өмірге үміт сыйла» атты акциясын ұйымдастырды (толығырақ)

«Өмірге үміт сыйла» акциясын ұйымдастырған «Қазақстан» Ұлттық арна ұжымы төрт сағат ішінде 50-ге жуық қызметкер 15 литрдей қан тапсырды.

Елімізде өмірі бір тамшы қанға байлаулы науқастар саны артуда. Тек гемофилия дертімен 800-ге жуық науқас тіркеуде тұр.

Астанадағы Қан орталығына айына кемінде 1000 доза қан түйіршігіне сұраныс келіп түседі екен.

Еуропа елдерінде әр мың адамға шаққанда 40-50 донордан келеді. Ал бізде әзірге 15-17-ден аспай тұр. Бұл көрсеткішті арттыру үшін осындай шара керек-ақ.

Акция бүгіннен бастап республиканың барлық өңірінде бастау алды. Оған «Қазақстан» телерадиокорпорациясына қарасты 3 мыңнан астам қызметкер бір кісідей атсалыспақ.

Шынар АСАНҚЫЗЫ