Кәмелетке толмаған жазасын өтеушілер арасында спартакиада өтті

«Қазақстан - туған өлкем, табиғатың қандай көркем». Осындай атаумен таяуда Алматыдағы кәмелетке толмаған жазасын өтеушілер арасында жазғы спартакиада өтті. «Саламатты Қазақстан» мемлекеттік бағдарламасының 2011-2015 жылдарға арналған іс-шаралар шеңберінде ұйымдастырылды.

Аяғын шалыс басып, темір тордың ар жағына түскен жасөспірімдер мұндағы тәртіпке үйренген. Өмірлері қуанышқа толы болмаса да, осындай шараның арқасында бір жадырап қалды. Спартакиада шағын футбол, қол күресі және арқан тартыстан сынға түсіп, концерттік шарада ән айтып, би билеп, өлең оқыды.

Нұрлан НАУРЫЗАЛИЕВ