Шымкентте өз анасын қағып кеткен жігіт сотталды

Шымкентте байқаусыз өз анасын қағып кеткен азамат 2 жылға сотталды.

Сондай-ақ, жазасын өтеп болған соң екі жыл бойы көлік жүргізу құқығынан айырылды.

Айта кетейік, келеңсіз оқиға осыдан үш ай бұрын Шымкенттегі жеке тұрғын үйлердің бірінде болған.

Көлігін қараңғыда айдап, сыртқа шықпақшы болған айыпталушы көліктің алдында отырған анасын байқамай, басып кеткен. Оқиға салдарынан алған жарақаттан анасы жан тәсілім еткен еді.

Айнұр АҚБАЕВА