Алматыда бағалы металл ұрламақ болған екі адам токқа түсті

Алматыда қалаға жарық беретін қосалқы станциядан бағалы металл ұрламақ болған екі адам токқа түсті.

Олар Розыбакиев көшесінде «Алатау Жарық» компаниясының аумағында орналасқан қосалқы станцияға түнгі сағат 3-тер шамасында заңсыз кіріп, қымбат металдарды шешіп алу кезінде токқа түскен.

Денесінің 90 пайызы күйген азамат ауруханада жан тапсырды. Ал, денесінің 65 пайызын күйік шалған екінші адам ауыр халде.

Нұрлан НАУРЫЗАЛИЕВ