Астана мешіттерінде «Мектепке жол» акциясы өтті

Бүгін Астананың мешіттерінде «Мектепке жол» акциясы өтті.

«Нұр Астана» мешітінде 250 оқушыға жәрдем берілді. Олардың қатарында тұрмысы төмен отбасы, көпбалалы жанұя мен ата-анасының қамқорлығынсыз қалған балалар бар.

Сондай-ақ, осындай игі шара бүгін Әзірет Сұлтан мешітінде де өтіп, 300-ге жуық балғын спорттық киім, оқу құрал- жабдықтары мен мектеп формасының ақшасын алды.

Жалпы, мұндай қайырымдылық іс қаланың сегіз мешітінде өтіп, бас шаһардың 650 оқушысына көмек көрсетілді

Ләззат БЕКТАС