Британдық Питер Барох 8 жылға сотталды

Оқушы қыздарды жартылай жалаңаш суретке түсіріп, бейнетаспаға жазған британдық Питер Барох сегіз жылын түрмеде өткізетін болды.

Жасөспірімдерді азғындық жолға салған шетел азаматына сот шешімді маусым айында шығарды.

Оған «кәмелеттік жасқа толмағандардың порнографиялық суреттерін дайындап, өңдеу» және «оларды азғындық жолға салу» баптары бойынша қылмыстық іс қозғалған еді.

Аппеляциялық сот та шешімді өзгертпей, Барохты сегіз жылға бас бостандығынан айырды. Енді ол жазасын жалпы режимдегі колонияда өтейді.

Саламат ОМАШ