Канадалық сарапшылар Қазақстанның ядролық қарусыздану бастамасын қолдайды

Канадалық тарихшылар мен «Әлем дәрігерлері, ядролық соғысты болдырмау үшін» қозғалысы Нұрсұлтан Назарбаевтың Семей полигонын жабу туралы идеясын маңызды қадам деп біледі.

Виннипег университеті ғалымдарының пікірінше, халықаралық қозғалыстың 21-ші Дүниежүзілік конгресінің Астанада өтуі -  ғаламдық құбылыс.

«Ядролық қару мен сынақтардан саналы түрде бас тартқан Қазақстан - атомды бейбіт мақсатта қолдана отырып, берекелі тірлік кешуге болатынын әлемге мойындатқан бірден-бір ел. Ал Нұрсұлтан Назарбаев өзін, әлемдік қауымдастықта бітімгер-президент ретінде қалыптастырды», - дейді тарихшылар.