Маңғыстау облысында жағдайы төмен оқушыларға қамқорлық жасалды

Маңғыстау облысының Құрық ауылында оқушыларға қайырымдылық жасалды. «Мектепке жол» акциясы аясында жетім және жағдайы төмен отбасының 100 шақты баласына сабаққа қажетті киім-кешек пен құралдар алынып берілді.

Оқушыларға көмек қолын созуға Құрық ауылының 8 кәсіпкері, мемлекеттік қызметкерлер мен қоғамдық қор өкілдері ниет білдірді. Ауылдың 90 баласына спорттық киімдер, мектеп формасы мен аяқ киімдер және сабаққа қажетті барлық құрал-жабдық берілді.

Мұндай шара шағын ауылда қыркүйектің аяғына дейін жалғасады.

Жазира ӘБІЛ