Шығыс Қазақстанда жер сілкінісі тіркелді

Бүгін Шығыс Қазақстан облысында күндізгі сағат 12.43-те жер сілкінісі тіркелді. Еуропа сейсмология орталығының хабарлауынша, тіркелген жер сілкінісінің магнитудасы 4.7–ні құраған. Осы ақпаратта, жерасты дүмпулерінің ошағы Өскемен қаласынан оңтүстік-шығысқа қарай 250, ал Қытайдың Үрімші қаласынан солтүстікке қарай 550 шақырым қашықтықта болған, деп жазылған.

Ал, еліміздегі сейсмологиялық тәжірибелік-әдістемелік экспедициясы мемлекеттік мекемесінің сейсмикалық станциялар желісінің ақпаратына сәйкес, жер сілкінісінің магнитудасы 4,1 болған. Зілзала кіндігі Алматыдан солтүстік-шығысқа қарай 845 шақырым қашықтықта тіркелген. Соныман қатар, Жер сілкінісінің энергетикалық класы -9.7, тереңдігі 5 шақырымды құраған.

Берік КӨШЕРБАЕВ