Басты Жаңалықтар «Мәңгілік ел» акциясы өтті

«Мәңгілік ел» акциясы өтті

28.02.2014 12:30

Ақтөбелік жастар «Мәңгілік ел» ұлттық идеясын қолдайды. 500-ге жуық студент пен жұмысшы жастар жиналып, патриоттық акция өткізді.

Олар «Мәңгілік ел! Мәңгілік тіл! Мәңгілік Рух!» деп ұрандатты. Қазақ елінің болашағын жарқын етуге ант етіп, ел дамуына өз үлестерін қосатындарын жеткізді.

Жиналғандарды өнерлі жастар жігерлендіре түсті. Көк байрақ пен «Мәңгілік ел» эмблемасы бейнеленген туды желбіретіп, ұлттық рухтағы әндер шырқалды. Бұл акция ақтөбеліктерге ерекше серпін берді.

Айшуақ Дәрменұлы, Қ.Жұбанов атындағы Ақтөбе өңірлік мемлекеттік университетінің аға оқытушысы:

«Мәңгілік ел» идеясы аясында тіл, мәдениет, тарих сияқты ұлтты ұйыстырушы факторларға ерекше мән беруіміз қажет. Бүгінгідей акция болашақта да жалғасын табады, деп сенеміз.

Әлия ТАЛАСОВА

Бөлісу