Басты Жаңалықтар Әкімдерге арналған оқыту семинары өтуде

Әкімдерге арналған оқыту семинары өтуде

24.02.2014 12:30

Дәл қазір Президент жанындағы Мемлекеттік басқару академиясында әкімдерге арналған оқыту семинары өтіп жатыр. Оған Астанаға алыс-жақын аймақтардан арнайы 300-ге жуық ауыл әкімі келсе, 2000-нан аса әкім онлайн-трансляция арқылы алқалы жиынға куә болып отыр.

Елбасы тапсырмасымен ел тарихында тұңғыш рет ұйымдастырылған басқосу әкімдердің біліктілігін арттыруға бағытталған. Жергілікті басқару органдарының, әсіресе, әлеуметтік салада жиі кездесетін күрмеулі мәселелер талқыланып, оны шешу жолдары ұсынылуда.

Екі күнге созылатын семинар барысында әкімдер бір-бірінен білмегенін үйренеді, білгенін басқаға үйретеді. Мәселен, мемлекеттік мүлікті, қаржыны қалай басқару керектігін және жер телімдерін қалай жалға беру тәртібін меңгереді.

Марат Ауаш, ОҚО Мақтарал ауданындағы Ынтымақ ауылдық округінің әкімі:

Басқа ауылдардың әкімдерінің жұмысымен танысып, пікір алмасып, тиімді тұстарын үйренудеміз.

Әсем ИЗАТҚЫЗЫ

Бөлісу