Әнұранымызды үлкен аренада шырқату бала кезгі арманым еді – Елдос Сметов

Дзюдошы Елдос Сметов 60 келі салмақта Инчхонда өтіп жатқан Азия ойындарының чемпионы атанды.

«Бала кезімнен Әнұранымызды үлкен спорттық аренада шырқатуды армандайтын едім. Бұл арманымды Инчхон қаласында орындадым. Бірінші күні «алтын» медаль алуды  іштей тілеген едім, тілегім қабыл болды», - деді Елдос Сметов.

«Финалда қарсыласымның Әлем чемпионы, оның менен мықты екенін ойлаған жоқпын. Мен тек күресуді және жеңуді ғана ойлап тұрдым. Баршаға аян, осы уақытқа дейін біздің дзюдошыларымыз Азия ойындарында чемпион атанбаған. Мен осы  нәтижені өзгертіп, тарихқа енгім келді», - дейді Азия ойындарының чемпионы.

Фото: сonfederation.kz