«Тур де Франс»: В.Нибали бірінші орнын сақтап қалды

«Тур де Франс» веложарысының 5-ші кезеңі аяқталды. Жалпы есепте Қазақстандық команданың капитаны Винченцо Нибали жеңімпаздың сары жейдесін өзінде сақтап қалды.

152 шақырымға созылған 5 кезең қатысушылар үшін өте қиын, жаңбырлы кезең болды. Соған қарамастан, «Астана» командасының шабандоздары Якоб Фульсанг 2-ші болып мәре сызығын кессе, 3-ші орынды Виченцо Нибали місе тұтты.

Ал жеңімпаз  голландиялық спортшы Ларс Бом атанды. Бүгін спортшылар 6-шы кезеңде бақ сынауда. Жарыс жолы - 194 шақырым.

Рустам БАЙДӘУЛЕТ