Басты Жаңалықтар Бразилияда Әлем чемпионаты кезінде қоғамдық тәртіпті 100 мың полицей қадағалайды

Бразилияда Әлем чемпионаты кезінде қоғамдық тәртіпті 100 мың полицей қадағалайды

11.06.2014 08:30

Жаппай шерулер мен өршіген қылмыс. Бразилия футболдан Әлем чемпионатын осындай мәселелермен қабылдайын деп отыр.

Маусымның 12-де басталатын матчтар 12 қалада өтеді.

Ойындардың қауіпсіздігін қамтамасыз етуге 100 мың полицей мен 57 мың жауынгер тартылғалы отыр. Ең бастысы, стадиондардағы тәртіпке ерекше мән берілмек.

Ал, Рио-де-Жанейродағы Иса Пайғамбардың ескерткіші алыстан аппақ болып көрінетін. Әлемдік чемпионат жақындағанда оның өңі Бразилияның туы тәрізді жасыл және сары түске өзгертілді.

Мұндай көріністі Буэнос-Айрестен де байқауға болады. Аргентина астанасындағы алып монумент те түнде айналасына сары-жасыл шуақ шашатын болды.

Ал, Мельбурн аспанында Рио-де-Жанейроның символы футболшы киімінде қалықтап жүр. Оның кеудесінде Австралия командасына айтылған «Сенімді сақта!» деген ұран жазылған.

Арыстан РЫСБЕК

Автор

Арыстан Рысбек

Бөлісу