Швейцария мұздықтары жылдам еріп жатыр

Швейцария мұздықтары жылдам еріп жатыр. Бұған Еуропа құрлығында болған аптап ыстық ықпал еткен. Елдің Мұздықтары қадағалау желісінің мәліметінше, биыл мұздықтар өз массасының 5 пайызын жоғалтқан. Қыста қар аз жауып, жазда ауа температурасының тым жоғары болуынан мұз жылдам ери бастаған. Ғалымдар бұған алаңдаушылық білдіріп, дабыл қағып отыр. Климаттың әсерінен Альпі тауларындағы ең үлкен және ең ұзын Алеч мұздығы рекордтық деңгейде ерісе, Цанфлерон мұздығының орташа қалыңдығы бір жылда 4 метрге азайған.