Басты Жаңалықтар Қазақ күресінен ел чемпионаты мәреге жетті

Қазақ күресінен ел чемпионаты мәреге жетті

10.06.2014 08:30

Жетісудың бас қаласында қазақ күресінен ерлер арасында Қазақстан чемпионаты аяқталды. Еліміздің барлық аймағынан келген палуандар 5 салмақ дәрежесінде мықтыларды анықтады.

Биылғы «Қазақстан барысына» қатысатын палуандар да өз деңгейлерін байқап көру үшін боз кілемге шықты. Ең жеңіл салмақта семейлік Айдос Сейпілұлы бірінші орын алса, 60 келіде алматылық Ғани Келдіқұловқа тең келер ешкім болмады.

Ал 70 және 90 келі салмақта қызылордалық Ғалымжан Әбдірахманов пен Мақсат Исақабылов алтыннан алқа тағынды. 80 келіде кілем иесі Тоқтар Қарқастеров бірінші орын алды.

Аса ауыр салмақта финалда өзінің командалас әріптесі Мұхит Тұрсыновты ұтқан Айбек Нұғымаров жеңіс тұғырының ең биік сатысына көтерілді.

Рүстем БАЙДӘУЛЕТОВ

Бөлісу