Басты Жаңалықтар Жамбыл облысында көкпардан халықаралық турнир өтуде

Жамбыл облысында көкпардан халықаралық турнир өтуде

19.04.2014 08:30

Жамбыл облысында Қазақстанның спорт қайраткері Нәби Момыновты еске алуға арналған Халықаралық турнир жалауын желбіретті. Еліміздің 7 облысының шабандоздарынан бөлек, бұл бәсекеде Қырғыз Республикасының «Ойқайын» командасы да өнер көрсетуде.

Әзірге жергілікті «Әулиеата» көкпар командасы мен Шымкенттің «Құлагер» көкпаршылары көш басында келеді. Қос бірдей команданың шабандоздары жарысқа жақсы дайындықпен келгендерін бірден байқатты.

Жамбылдық жігіттер Маңғыстау шабандоздарынан 14:2 еебімен басым түсті. Бұл кездесуде Ерлан Жұмасаевтың жұлдызы жанды. «Арманқара» атты таза қанды арғымақты тақымдаған шабандоз 4 мәрте салым салды.

Ал, Оңтүстік Қазақстан облысының шабандоздары Батыс Қазақстан құрамасымен кездесті. Тартысқа толы бәсекеде, Шымкенттің шабандоздары атой салды. Қарсыластарын 9:0 есебімен қапыда қалдырды.

Нұрдәулет Момынов, «Әулиеата» көкпар командасының капитаны:

Бірінші жылы облыс көлемінде, екінші жылы республика көлемінде өткіздік. Міне, енді халықаралық деңгейде ұйымдастырып отырмыз. Бұл жарыста спорт шебері атағы берілсе, көптеген командалар қатысады.

Рүстем БАЙДӘУЛЕТОВ

Бөлісу