Жаңалықтарды Telegram арнамыздан оқыңыз!Астанада бокстан Ұлттық құрама спортшылары Моңғолия боксшыларымен бірлескен оқу-жаттығу жиынын өткізді. Спорттық шара мұндай жоғары деңгейде алғаш рет ұйымдастырылып отыр.
Біріккен жаттығулар екі жаққа да тиімді екендігі тәжірибе жүзінде дәлелденді. Екі құраманың да биылғы жылы алдына қойып отырған басты мақсаты – күзде Кореяда өтетін Азия ойындарында жақсы нәтижелерге қол жеткізу.
Қонақтар сапында Әлем чемпионатында жүлде алған былғары қолғап шеберлері бар. Сондықтан, мұндай кездесулердің боксшыларға берері мол.
Данияр Елеусінов, бокстан Ұлттық құрама мүшесі:
Ойдағыдай, жоспар бойынша өтті.
Жиынның соңғы күні боксшылар 3 минуттан тұратын 4 раунд жекпе-жек өткізіп, бар білгенін ортаға салды.
Мырзағали Айтжанов, бокстан Ұлттық құраманың бас бапкері:
Әр команданың өзінше мәнері бар. Тәжірибе алмасу, қарсыластарды зерттеу жиыны болды.
Ал, Моңғолия құрамасы болса, Атырауға атанып, жергілікті спортшылармен шеберлігін шыңдап, кейін Жайық жағасында өтетін халықаралық турнирде бақ сынайды.
