Басты Жаңалықтар 7 жылда ауыл шаруашылығының жалпы өнімі ₸9,8 трлн-ға жетті

7 жылда ауыл шаруашылығының жалпы өнімі ₸9,8 трлн-ға жетті

Елде ауыл шаруашылығы өнімдерінің көлемі артып келеді. Биыл қаңтар-қазан айларында саладағы жалпы өнім 5,2 пайызға өсіп, 9 триллион теңгеге жуықтады. Оның ішінде өсімдік шаруашылығы 6,4 пайыз, мал шаруашылығы 3,2 пайызға өскен. Соңғы 7 жылда ауыл шаруашылығының жалпы өнімі 9,8 триллион теңгеге жетті. Ал азық-түлік өндірісі 4 триллион теңгені құраса, ауыл шаруашылығы өнімдерінің экспорты 7 миллиард доллар болды. Салаға салынған инвестиция да айтарлықтай өскен. Биылдың өзінде 630 миллиард теңгеге 73 жоба іске қосылды. Оның ішінде ауыл шаруашылығы өнімдерін өңдейтін 15 кәсіпорын, 7 құс фабрикасы, 13 сүт фермасы және 14 суару жобасы бар.

Бөлісу