Атырауда пластик қалдықтарын қайта өңдейтін зауыт іске қосылады
Атырауда пластик қалдықтарын қайта өңдеп, одан өнеркәсіптік өнім өндіретін жаңа зауыт іске қосылды. Инвестициялық жобаның жалпы құны 1 миллиард 43 миллион теңгеден асады. Қаржыландыру кәдеге жарату төлемдері есебінен жүзеге асырылып, жобаға «Жасыл даму» акционерлік қоғамы қолдау көрсеткен. Кәсіпорын жылына 8 мың тонна полиэфирлі штапель талшығын өндіруге қауқарлы. Өндірістің негізгі шикізаты – пайдаланылған пластик бөтелкелер. Дайын өнімді құрылыс және өнеркәсіп салаларында қолданылатын геосинтетикалық материалдар жасауға пайдаланады. Сонымен қатар кәсіпорын өнімді экспортқа шығаруды да көздеп отыр.
Ерболат Наурызғали, зауыт директорының орынбасары:
Бұл жоба Мемлекет басшысы «Таза Қазақстан» бастамасы аясында экологиялық бағыттағы жобалардың бірі болып саналады. Жобаның жалпы құны 1,6 млрд теңге. Оның ішінде 1 млрд теңгесі «Жасыл даму» АҚ қоладуымен кәдеге жарату, төлемдерді қаражат есебінен Өнеркәсіпті дамыту қоры арқылы жеңілдетілген қаржыландыру ретінде берілген болатын. Осы қолдау арқасында бізге негізгі өндірістік құрылғылар алынды.
Сондай-ақ оқыңыз
Барлығы