Жеті жылда 1342 мектеп салынды

Соңғы жеті жылда 1300-ден аса мектеп салынды. Еліміздегі су жаңа  бұл білім ордаларында 1 миллионнан астам бала оқып жатыр. Жаңа оқу ошақтарының салынуы үш ауысыммен оқыту мәселесін төрт есе, апатты мектептер санын екі есе азайтуға мүмкіндік берді. Сондай-ақ  орын тапшылығы төрт есе қысқарды. Бұл бағыттағы ірі жобаның бірі  Мемлекет басшысының тапсырмасымен жүзеге асқан «Келешек мектептері» ұлттық жобасы. Оның аясында 460 мың оқушыға арналған 217 мектеп салынды. Оның 84-і ауылдық жерлерде орналасқан.