Сейсмолог: Қаладағы 2600-ге жуық үй жер сілкінісіне төзімсіз

Алматыдағы көпқабатты үйлердің төрттен бірі жер сілкінісіне төтеп бере алмайды. Мамандардың айтуынша, әсіресе, ескі кірпіш және ағаш ғимараттардың күшті дүмпу кезінде қирау қаупі жоғары. Ал жаңа үйлердің қаншалықты қауіпсіз болатыны құрылыс сапасына байланысты. Соңғы жылдары ғалымдар қаладағы 10 мыңға жуық көпқабатты үйді тексерген. Нәтижесінде олардың 2600-ге жуығы сейсмикалық талаптарға сәйкес келмейтіні анықталған. Мамандардың айтуынша, белгілі бір үйдің сейсмикалық талаптарға сай болмауы оны бірден бұзу немесе тұрғындарын көшіру қажет деген сөз емес. Мұндай шешім ғимараттың техникалық жағдайы жан-жақты зерттелгеннен кейін қабылданады.