Ипотека беру жеңілдігі тағы 3 жылға ұзартылды

Ұлттық банк тұрғын үй құрылыс жинақ жүйесі арқылы ипотека беру жеңілдігін тағы үш жылға ұзартты. Азаматтардың ай сайынғы несие төлемдері табысының 50 пайызынан асып кетсе де, баспана алуға қарыз рәсімдеуге болады. Бұған дейін бұл жеңілдік биылғы жыл соңына дейін ғана қарастырылған еді. Дегенмен несие беру-бермеу туралы шешімді банк әр азаматтың төлем қабілетіне қарай қабылдайды. Тұрғындар үшін мұндай тиімді мүмкіндік 2029 жылдың соңына дейін беріледі.