Орталық Азия елдерінің мәдениет және өнер қайраткерлері марапатталды

Мемлекет басшысының тапсырмасымен Вице-Президент Ерлан Қарин, Орталық Азия елдерінің бірқатар мәдениет және өнер қайраткерлеріне мемлекеттік наградаларды табыстады. Халықтар арасындағы достықты нығайтуға және мәдени байланыстарды дамытуға қосқан үлесі үшін II дәрежелі «Достық» ордені Мирбек Атабеков, Парахат Амандурдыев, Севара Назархан, суретші-реставратор Таалайбек Усубалиев, актер Батыр Чарыев, белгілі дирижер Камолиддин Уринбаевке берілді. Ерлан Қарин өнер иелерін марапатымен құттықтай келе: «Өнерде шекара жоқ. Сіздер өз шығармашылықтарыңыз арқылы халықтар арасын жақындатып, жас ұрпақтың көршілес елдердің мәдениеті мен дәстүрін тереңірек түсінуіне ықпал етіп келесіздер», - деді.