Digital Bridge: 30-дан астам құжатқа қол қойылды

Астанада өтіп жатқан Digital Bridge форумы аясында 30-дан астам құжатқа қол қойылды. Соның бірі - Старлинк және Уан веб компаниялары Қазақстанда ресми түрде жұмыс істеуге рұқсат алды. Бұл туралы ҚР Жасанды интеллект және цифрлық даму министрлігі айтты. Аталған компаниялар жобаларын елімізде бұрыннан іске асырып келеді. Дегенмен лицензия интернет сапасын арттыруға, бірегей бастамаларды көбейтуге сеп болады, дейді министрлік.

Дамир Сейсембеков, ҚР Жасанды интеллект және цифрлық даму министрлігінің комитет төрағасы:

Форумда біздің мемлекеттің үлгілі телеком компаниялары, цифрлық компаниялары қандай нәтижеге жеткенін көрсетіп жатыр. Бүгінгі күннен бастап ресми түрде біздің Қазақстанда 2 спутниктік операторлар жұмыс істеп бастады.