Шу вокзалы пайдалануға берілді

Жамбыл облысында Президент таспырмасымен күрделі жөндеуден өткен Шу вокзалы пайдалануға берілді. Тоғыз жолдың торабындағы нысан 37 жыл бұрын салынған.

Содан бері жөнделмеген нысан құрылысына былтыр 6 млрд теңге бөлінді. Жалпы ауданы 8 мың шаршы метрден асатын вокзалдың бес қабаты толық жаңартылды. Қасбеті, шатыры мен инженерлік жүйелері жаңартылып, перроны абаттандырылды. I санатқа жататын Шу станциясы арқылы 48 жолаушылар және 100-ге тарта жүк пойызы қатынайды. Сонымен қатар Шу қаласын Ресей, Қырғызстан және Өзбекстан қалаларымен байланыстырады. Ал вокзалға тәулігіне мың жарымнан аса адам аялдайды.

Манат Сатова, Шу қаласының тұрғыны:

Біз өте қуаныштымыз қала тұрғындары. Бұрынғы уақытта біздің вокзалымыз өте ескі болатын. Күрделі жөндеуден өтіп, әдемі вокзалдың ішінде болғанымызға өте қуаныштымыз.