Қуаты 1000 МВт ірі жел электр станциясы салынады

Қостанай облысында қуаты 1000 МВт болатын ірі жел электр стансасы салынады. Үкімет басшысы Олжас Бектенов тиісті қаулыға қол қойды. Жобаға шамамен 380 млрд теңге инвестиция құйылып, онымен бірге қуаты 300 МВт электр энергиясын жинақтау жүйесі іске қосылмақ. Құрылыс келер жылы көктемде басталып, нысан 2029 жылдың соңына дейін іске қосылуы тиіс. Жаңа инвестжобаның арқасында жергілікті тұрғындарға 750 жұмыс орны ашылып, өңірдің энергетикалық инфрақұрылымы нығаймақ.