Ақылы автотұрақтар әкімдікке қарасты компанияға өтті

Астананың ақылы автотұрақтары жекеден әкімдікке қарасты компанияның қарауына өтті. Енді түскен ақшаның барлығы тұрақ инфрақұрылымын дамыту мен қаланың қажеттілігіне бағытталады. Жол қозғалысын ұйымдастыру орталығы жүйені цифрландырып, ақыны әділ әрі нақты есептеу жүйесін енгізуді қолға алды. Тұрақ ақысын жаңа мобильді қосымша немесе веб-портал арқылы төлеуге болады. Бұдан бөлек, заңнамада көзделген жеңілдіктерді онлайн рәсімдеу мүмкіндігі қарастырылған. Ережелерге сәйкес, тұрғындар өз үйіне іргелес ақылы тұрақты бір көлік үшін тегін пайдалана алады.

Александр Озарчук, Жол қозғалысын ұйымдастыру орталығы цифрлық даму бөлімінің жетекшісі:

Біздің көліктер әр 15 минут сайын жүріп тұрады қаланың ішінде және ақпараттан біз осы сайттан көрсете аламыз қанша көлік қай тұрақта тұрғанын. Мінекей, көрсетіп тұр аймағын. Қазіргі уақытта автотұрақ бос емес. Бос орын жоқ.