Өтінімдердің 30%-ын eGov GPT өңдейді

Халыққа қызмет көрсету орталықтарында мамандардың орнына жасанды интеллект қызмет көрсетеді. Бүгінде eGov GPT жұмыстың 30 пайызын атқарады. Алдағы уақытта оған халықтан келген өтінімдердің 70 пайызы тапсырылады. Бұл туралы Үкіметтің баспасөз қызметі айтты. Қазір eGov GPT цифрлық ассистенті 50 мемлекеттік сервисті қамтып отыр. Олар халықтың сұранысы негізінде іріктелген. Жыл соңына дейін  қызметтер саны 150-ге дейін артпақ. Мұның бәрі Мемлекет басшысы Жолдауда жүктеген міндеттердің аясында орындалып жатыр.