500 мыңнан аса такси жүргізушілері жаңа салық режиміне көшкен

Такси жүргізушілерінің жарты миллионнан астамы жаңа салық режиміне көшті. Елде өзін-өзі жұмыспен қамтығандар үшін енгізілген арнаулы салық режимін 520 мыңға жуық адам такси қызметін көрсетуге пайдаланып отыр. Ал интернет-платформалар арқылы жұмыс істейтін азаматтар үшін 16 млрд теңгеден аса әлеуметтік төлем аударылған. Бұл туралы Премьер-министрдің орынбасары – Ұлттық экономика министрі Серік Жұманғарин Құрылтай депутаттарының сауалына берген жауабында мәлімдеді. Министрдің айтуынша, 1 қазандағы жағдай бойынша өзін-өзі жұмыспен қамтығандарға арналған арнаулы салық режимін 981,200 адам қолданған. Олардың 867 мыңы интернет-платформалар арқылы қызмет көрсетсе, 114,200-і өз бетінше жұмыс істейді. Бұл режимді пайдаланатындардың басым бөлігі такси және курьерлік қызметке тиесілі.