Ираншыл хуситтер стратегиялық аралды басып алды

Йеменде ираншыл хуситтер мен Саудияға арқа сүйеген үкімет әскері арасында шайқас жалғасып жатыр. Соңғы мәліметке қарағанда, хуситтер Баб-әл-Мандеб бұғазындағы Перим стратегиялық аралына жеткен. Осылайша олар әлем үшін маңызы зор кеме жолдарына ықпал етуге жақын.

Сарапшылардың ойынша, егер хуситтер аталған бұғазды басып алатын болса, Иран  АҚШ-пен соғыста үлкен басымдыққа ие болады. Себебі Ормұзбен бірге тағы бір мұнай жолы Тегеран мен оның одақтастарының бақылауына өтпек.  

Кеме жолдарына шабуылдың жиілеуі мұнай нарығына кері әсер етіп отыр. Соңғы мәліметке қарағанда, Brent маркалы шикізат баррелінің бағасы 110 долларға жақындап қалған.