Президент Үндістанға жұмыс сапарымен барады

Мемлекет басшысы 12-13 қыркүйек күндері Үндістанға жұмыс сапарымен барады. Премьер-министрі Нарендра Модидің шақыруымен БРИКС-тің XVIII саммитіне қатысады. Қасым-Жомарт Тоқаев «Орнықтылықты, инновацияны, ынтымақтастық пен тұрақтылықты нығайту» тақырыбына арналған пленарлық отырыста сөз сөйлейді.

Сонымен қатар Нарендра Модимен келіссөз жүргізіп, бірқатар мемлекет және үкімет басшыларымен кездеседі.

Ал 14–16 қыркүйек күндері Қасым-Жомарт Тоқаев Корея Республикасына мемлекеттік сапармен барады. Сеулде жоғары деңгейдегі келіссөздер өтеді. 16 қыркүйекте Президент «Орталық Азия – Корея Республикасы» бірінші саммитіне қатысады.