Қауіпсіздік Кеңесінің Аппараты дербес мемлекеттік орган болады

Мемлекет басшысы Қауіпсіздік Кеңесі мен оның Аппаратының жұмысына қатысты Жарлыққа қол қойды. Енді Кеңес жаһандық сын-қатерлер мен елдегі ішкі жағдайға тұрақты талдау жүргізеді. Қауіпсіздік Кеңесі Төрағасының орынбасары Президент тапсырмалары мен Кеңес шешімдерінің орындалуын бақылайды. Сондай-ақ ұлттық қауіпсіздік, қорғаныс, заң мен тәртіп мәселелері бойынша мемлекеттік органдардың жұмысын үйлестіреді. Ол киберқауіпсіздік, жасанды интеллект, дербес деректерді қорғау, экономикалық қылмыс пен сыбайлас жемқорлыққа қарсы іс-қимыл және азаматтық қорғаныс бағыттарын қадағалайды. Ал Қауіпсіздік Кеңесінің Аппараты дербес мемлекеттік орган ретінде Президентке тікелей бағынады. Негізгі міндеті – мемлекеттік басқарудың тұрақтылығын қамтамасыз ету.