Қостанайлық жастар ұлттық құндылықтарды заманауи контент арқылы дәріптеп жүр

Қостанайлық жастар қазақтың салт-дәстүрін дәріптейтін жоба бастады. Биыл олар «Тәуелсіздік ұрпақтары» байқауының іріктеу кезеңінен өтіп, 1 млн теңге грант ұтып алды. Енді бұл қаржы ұлттық танымды жас буынға түсінікті тілмен жеткізетін медиажобаға жұмсалмақ. Басты мақсат – ұмыт бола бастаған ұғымдарды жаңғыртып, ұлттық мұраны заманауи контент арқылы халыққа жеткізу. Бұған дейін олар нашақорлықпен темірторға түскен жастар жайында деректі фильм түсірген еді.

Әнуар Бұқабаев, жоба авторы:

Қазіргі таңда қолданатын дәстүрлерді ақпараттық рилс арқылы халыққа көрсетеміз. Мысалы, көбісі қазақтың салт-дәстүрлерін дұрыс білмейді. Аралас, екі тілде контент жасаймыз деп жоспарладық. Тілашар жайлы рилс түсірдік. Сол қазір монтажы болып жатыр. Келесі тазы өсіру жайлы кішігірім репортаж болады.