АҚШ пен Иран бір-бірінің кемелеріне соққы берді

АҚШ-тың Орталық қолбасшылығы Иранның америкалық әскери кемелерге соққы бергені туралы ақпаратты жоққа шығарды. Бұған дейін Ислам Республикасының Революция сақшылары корпусы Таяу Шығыста Пентагонның эсминецін жойғанын хабарлаған еді. «Бұл жалған ақпарат», дейді Құрама Штаттар армиясының өкілдері.

Айта кетсек, бұның алдында америкалықтар Иранның бес мұнай танкерін теңізге батырып жіберді. Содан кейін Тегеран Ормұз бұғазы маңында АҚШ-тың 10 кемесі мен Иорданиядағы базасына шабуыл жасағанын мәлімдеді. Алайда, Иордания қарулы күштері Иран жіберген зымырандардың көбін құлатқанын хабарлап отыр.