Бангладешті қызылша жайлады

Бангладеш өз тарихындағы ауқымды қызылша эпидемиясына душар болып отыр. Соңғы мәліметке қарағанда, наурыздан бері бұл аурудан 999 адам қайтыс болған. Ал емдеу мекемелерінде науқастарға орын жетпей жатыр. Ауруханаларға балалар көптеп түсіп жатқандықтан, ресурс тапшылығы да сезіле бастаған.

Елде қызылшаға қарсы жалпыұлттық вакцинация қалыпты жүргізілмеді. Кейбір бақылаушылар мен денсаулық сақтау мамандарының ойынша, оған саяси тұрақсыздық себепші. Екпелердің дер кезінде жеткізілмеуі қызылшаның тез тарауына түрткі болған. Қазір 146 мыңнан астам адам осы ауруға шалдықты деген күдікпен госпитальдерде жатыр.