Атырау облысындағы Құрманғазы бекетін жаңғырта бастады

Еліміздің батыс қақпасы саналатын Атырау облысындағы Құрманғазы шекаралық аймағындағы өткізу бекетін жаңғырту жұмысы басталды. Жаңадан 6 жолақты автокөлік жолы мен шекаралық тексеру ғимараты бой көтеріп жатыр. Президенттің өзі «Транзиттік жүктердің «жасыл дәліз» қағидасымен еш тосқауылсыз өтуіне барынша жағдай жасау қажет», - деген болатын. Егер жоба сәтті аяқталса бекеттің тәуліктік өткізу қабілеті 3 есеге артпақ.

Парковка салынып жатыр 270 жүк фурасына. Әкімшілік ғимаратымен сосын жатақхана салу ойы бар ол жерге. Таблосы болады. Таблоға қай машинаның нөмірі шығады, сол табломен машиналар шығып бері қарай қозғалады.

Республикалық маңызы бар Атырау – Астрахань тас жолы біткеннен кейін жүк тасымалы біршама есеге көбейіп кетті. Құрылыстың үлкен пайдасы қазіргі таңда 70 ке жуық адам, жергілікті жердің тұрғыны жұмыспен қамтылып отыр. Алдағы уақытта 100-ден астам адамды жұмыспен қамтимыз деп отыр мердігерлер.

Құрманғазы өткізу бекетінің құрылысы келер жылдың қазан айында аяқталуы тиіс. Сол кезде Ресей арқылы Еуропаға қатынас жанданып, транзиттік жүк көліктерінің легі 3 есеге артады деп күтілуде.