Қорғалжын қорығына м³40 млн су жіберілді

Қорғалжын қорығына 40 млн текше метр су жіберілді. Бұл – қоқиқаздардың мекен ету ортасын сақтау және Теңіз – Қорғалжын көлдер жүйесінің су теңгерімін тұрақтандыруға бағытталған. Жұмысты «Қазсушар»  республикалық мемлекеттік кәсіпорынның үш филиалы – «Қ.Сәтбаев атындағы канал», Қарағанды және Ақмола филиалдарының мамандары жүргізді. Су ресурстары және ирригация министрлігінің мәліметінше, мұндай су жіберу жұмыстары Қазақстанның барлық өңірінде жыл сайын жүзеге асырылады. Мамандар су деңгейін тәулік бойы бақылап, гидротехникалық нысандардың қауіпсіз жұмысын қамтамасыз етеді.