АЭС салу жөніндегі келісімшартқа қол қойылды

Қазақстанда алғашқы атом электр станциясын жобалау, жабдықтау және салу жөніндегі келісімшартқа қол қойылды. Құжат «Қазақстан атом электр станциялары» мен «Атомстройэкспорт» арасында Владивостоктағы Шығыс экономикалық форумы аясында рәсімделді. Келісім еліміздегі алғашқы энергетикалық нысан құрылысына дайындық жұмыстарының басталғанын білдіреді.

Құрылыс жұмыстары нақты 2027 жылы басталады деп жоспарлап отырмыз. Жоба елдің энергетикалық қауіпсіздігін күшейтіп, отандық өндіріс пен білікті мамандарды даярлауға көмектеседі. Энергетикалық нысанды салуға қазақстандық компаниялар қатысады, елімізде өндірілетін құрылыс материалдары пайдаланылады. Бұл жергілікті өндіріс орындары үшін үлкен тәжірибе болғалы тұр.