Алапат тасқыннан аман қалған жалғыз үй

Непалда өткен аптадағы алапат тасқын мен лай көшкіні жүрген ауданда барлық ғимараттар қирап, құласа да, бір баспана ғана аман қалған. Бұл жағдай әлеуметтік желі қолданушыларын таң қалдырып, су шаймаған нысан «жұмбақ жасыл үй» аталып кетті.

Айта кетсек, тамыздың 26-да Гималайда мұздық құлап, соның салдарынан жер сілкініп, өзенге таудан топырақ пен тас төгіліп, төмен қарай алапат сел жүрді. Соңғы мәліметке қарағанда, бұл апаттан 1000-нан астам адам қаза тауып, 4 мыңдайы жоғалып кеткен. Әлі табылмағандардың 583-і – шетелдік туристер.