Солтүстік өңірлерде үсік жүреді

«Қазгидромет» еліміздің бірқатар өңіріне ескерту жариялады. Бүгін Солтүстік облыстарда түнде 2 градусқа дейін үсік жүруі мүмкін. Кей өңірлерде жаңбыр, найзағай, бұршақ және тұман күтіледі. Ал Шығыс Қазақстанның таулы аудандарында жаңбыр соңы қарға ұласуы ықтимал. Астанада жаңбыр жаууы мүмкін. Жел күшейеді. Түнде 1 градусқа дейін үсік жүруі ықтимал. Ал оңтүстік және батыс өңірлерде шаңды дауыл болжанып отыр. Сонымен қатар еліміздің көптеген облысында өрт қаупі әлі де бар.