Жеңілдетілген ипотекаға қатысты талаптар өзгереді

Қазақстанда жеңілдетілген ипотекаға қатысты талаптар өзгереді. 14 қыркүйектен бастап 2 пайыздық несие тек тұрғын үй кезегінде тұрған сегіз санатқа беріледі. Олардың қатарында ардагерлер, жетім балалар, І және ІІ топтағы мүгедектігі бар азаматтар, мүгедектігі бар бала тәрбиелеп отырған отбасылар, жесірлер және көпбалалы жанұялар бар. Ал 5 пайыздық ипотекаға тұрғын үй кезегінде тұрған барлық азамат қатыса алады. Бұл ретте отбасының табысына қатысты талап болмайды. Айта кетейік, қазір 2 пайыздық ипотекаға тұрғын үй кезегінде тұрған және отбасы мүшесіне шаққандағы табысы 5 ең төменгі күнкөріс деңгейінен аспайтын азаматтар қатысты.